Հանդիպում Հայ առաքելական եկեղեցու Հյուսիսային Ամերիկայի արևմտյան թեմի առաջնորդի հետ

07 հուլիսի, 2020

ԳԼԵՆԴԵՅԼ- Հուլիսի 2-ին Լոս Անջելեսում ՀՀ գլխավոր հյուպատոս, դեսպան Արմեն Բայբուրդյանը Գլխավոր հյուպատոսությունում հանդիպում ունեցավ Հայ առաքելական եկեղեցու Հյուսիսային Ամերիկայի արևմտյան թեմի առաջնորդ Հովնան արքեպիսկոպոս Տերտերյանի հետ։ Կորոնավարակի պանդեմիայի տարածումից ի վեր սա նրանց վերսկսված հերթական հանդիպումն էր, որը նվիրված էր հայ համայնքին առնչվող հարցերի քննարկմանը։ Զրուցակիցները խոսել են համավարակի պայմաններում հայ համայնքի խոցելի խմբերի խնդիրների, հասարակական, սոցիալական և հոգևոր ոլորտներում ի հայտ եկած մարտահրավերների և դրանց հաղթահարման հնարավորությունների մասին։ Դեսպան Բայբուրդյանը և արքեպիսկոպոս Տերտերյանը փոխադարձ ներկայացրել են ՀՀ գլխավոր հյուպատոսության և Արևմտյան թեմի առաջնորդարանի կողմից կատարվող ընթացիկ աշխատանքները և նոր պայմաններում մշակվող ծրագրերը։ Հանդիպմանը խոսվել է նաև համայնքի երիտասարդ և մանկահասակ սերնդի կրթամշակութային դաստիարակությանը միտված ծրագրերի վերսկսման կամ նորովի իրականացման հնարավորության մասին։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձեվեր